ფიფას გენერალური მდივანი ჟერომ ვალკე თანამდებობიდან გათავისუფლებულია.
გუშინ ბრაზილიურ მედიაში გავრცელდა ინფორმაცია, რომლის მიხედვითაც, ვალკე 2014 წლის მსოფლიოს ჩემპიონატის ბილეთების არალეგალურად რეალიზაციის სქემაში მონაწილეობდა, რის შედეგადაც დაახლობით ორი მილიონი ევრო მიიღო.
“ჟერომ ვალკე დაუყოვნებლივ გათავისუფლებულია თანამდებობიდან შემდგომი შეტყობინების გავრცელებამდე. ფიფასთვის ცნობილი გახდა გენერალურ მდივანთან დაკავშირებული გარკვეული ეჭვების შესახებ და ეთიკის კომიტეტისგან მოვითხოვთ ოფიციალური გამოძიების ჩატარებას”, – ნათქვამია ფიფას განცხადებაში.
ჟერომ ვალკე ფიფას გენერალური მდივნის პოსტზე 2007 წლიდან მუშაობდა.