ფიფას პრეზიდენტი ჯანი ინფანტინო და გამოცემა “ფრანს ფუტბოლის” ხელმძღვანელები “ოქროს ბურთის” მომავალზე უკანასკნელი რამდენიმე თვის განმავლობაში მოლაპარაკებებს აწარმოებენ.
შესაძლოა, ჯილდო კვლავ გაიყოს. კერძოდ, “ფრანს ფუტბოლმა” კვლავ დამოუკიდებლად გააგრძელოს “ოქროს ბურთის” გადაცემა, ფიფამ კი FIFA World Player-ის ჯილდო აღადგინოს.
შეგახსენებთ, რომ “ფრანს ფუტბოლმა” “ოქროს ბურთი” 1956 წელს დააწესა, FIFA World Player კი 1998 წლიდან არსებობდა. 2010 წელს გამოცემებმა “ფრანს ფუტბოლმა” და “ეკიპმა” წლის საუკეთესო ფეხბურთელის გამოვლენის უფლება ფიფას გადასცეს. შესაბამისად, 2010 წლიდან მსოფლიოს საუკეთესო მოთამაშეებს ჯილდოს სახით ფიფას “ოქროს ბურთი” გადაეცემათ.