გამთენიისას სტარტი აიღო ამერიკის შეერთებული შტატებისა და კანადის უმაღლესი საფეხბურთო ლიგის (MLS) 2018 წლის სეზონმა. წარმატებული დაიწყო ასპარეზობა ვაკო ყაზაიშვილის “სან ხოსემ”, რომელმაც საკუთარ მოედანზე “მინესოტა” დაამარცხა (ანგარიშით 3:2).
განსაკუთრებით სასიხარულოა ის ფაქტი, რომ ამერიკელთა ამ გამარჯვებაში ლომის წვლილი სწორედ ქართველმა ლეგიონერმა შეიტანა – მის ანგარიშზე ერთი გოლი და ორი საგოლე გადაცემაა.
მომდევნო მატჩს “სან ხოსე” 18 მარტს გამართავს და მისი მასპინძელი “სპორტინგ კანზას სიტი” იქნება.