დღეს ზლატან იბრაჰიმოვიჩი აშშ-ს ერთ-ერთ ტელევიზიაში ჰყავდათ მიწვეული. შვედმა ფეხბურთელმა რამდენიმე საკითხზე ისაუბრა. მათ შორის იყო ის პერიოდი, როცა მას “მანჩესტერის” დატოვების შემდეგ გადაწყვეტილება უნდა მიეღო იმის შესახებ, თუ სად გადასულიყო.
ერთ-ერთ მომენტში სპორტსმენმა განაცხადა, რომ ჩინური გუნდი მას 100 მილიონ ევროს სთავაზობდა ხელფასის სახით. ჟურნალისტმა ზლატანს ჰკითხა, რატომ თქვა ასეთ საოცარ შემოთავაზებაზე უარი. “იბრამ” მიუგო: “ფული არაა მნიშვნელოვანი, მაგრამ ბევრი ფული მნიშვნელოვანია. ასი მილიონი ჩემთვის საკმარისი არ იყო,” – დაასრულა შვედმა.