ბრაზილიელი ნახევარმცველი კაკა “სან-პაულუს” დაემშვიდობა. ამ კლუბის ღირსებას ფეხბურთელი იჯარის წესით ზაფხულიდან იცავდა.
“დამშვიდობება ფეხბურთის ნაწილია. თუმცა, “სან-პაულუს” მე მხოლოდ დროებით ვემშვიდობები. ამ გუნდის ნაწილი ყოველთვის ვიქნები, კლუბი კი ჩემს გულში დარჩება” -განაცხადა კაკამ.
პირველ ივლისს კაკამ კონტრაქტი ამერიკულ “ორლანდო სიტისთან” გააფორმა, რომელიც 2015 წელს მლს-ში ჩაერთვება. სატამაშო პრაქტიკის შესანარჩუნებლად 32 წლის ფეხბურთელი დროებით “სან-პაულუში” გადავიდა, სადაც პროფესიონალური კარიერა დაიწყო.